Вәлиев Илмир

Автобиография

Мин, Вәлиев Илмир Ирек улы. 1994нче елның 26нчы гыйнварында Яңа Чишмә районы Зирекле авылында дөньяга килгәнмен. 1997нче елны балалар бакчасына йөри башладым, ә 2001нче елны Зирекле лицееның беренче сыйныфына укырга кердем һәм хәзергесе вакытта 9нчы сыйныфта укыйм.

Уку дәверендә мәктәп, район, республика күләмендә үткәрелгән конкурс, ярышларда актив катнашам:

«Движение», «Алтын каләм», «Иделем акчарлагы», гер спорты буенча ярышларда, сочиненияләр язу, шигырь бәйгеләрендә катнашып призлы урыннар яулыйм. 

Шигырьләр, хикәяләр, мәкаләләр язарга яратам.

Шулай ук спорт белән дә кызыксынам, күбрәк гер күтәрү, волейбол, милли көрәш кебек спорт төрләренә йогынты ясыйм. «Аҗаган» яшүсмерләр клубынна бию түгәрәгенә йөрим. Төркемебез белән төрле конкурсларда катнашып призлы урыннар гына яулыйбыз. Быелгысы уку елында республика күләмендә уздырылган гер күтәрү ярышында 2нче, 3нче урыннарга лаек булдым. Киләчәктә дә бу спорт төрен үземдә үстерәсем килә һәм алдагысы елларда да зур нәтиҗәләр күрсәтермен дип ышанам.