Мөхсинова Раилә

1986 елның 3 маенда Лаеш районы Кече Елга авылында дөньяга килгәнмен. Кечкенәдән китаплар укырга, театрларга йөрергә яратам. Беренче пьесамны 19 яшемдә язып «Яңа татар пьесасы» конкурсында лауреат исеме алдым. Күп кенә бәйгеләрдә катнаштым: «Иделем акчарлагы», «Алтын каләм» һ.б. Нәтиҗәләр сөендерерлек. «Әллүки» иҗат берләшмәсенә йөрдем, язылган пьесаларым җыентыкларда басыла. КДУ ның татар филологиясе һәм тарихы факультетында белем алдым. Хәзерге вакытта Татарстан Республикасының Суд приставлары федераль хезмәтендә инспектор булып эшлим.